Алматы көшелерінде жарысқан блогерлер ұсталды

Олардың жарысқан видеосы әлеуметтік желіде жарияланған.

Қалалық ПД баспасөз қызметінен хабарлағандай, құқықбұзушылықты арнайы мониторинг топтары анықтады.

«Тексеру нәтижесінде «БМВ» көлігін басқарған Назар Р есімді тұрғынға қатысты ҚР ӘқбК 590-бабының 3-бөлімімен – көлікті жалған нөмірмен айдағаны үшін, ҚР ӘқбК 606-бабымен – апатты жағдай тудырғаны үшін, ҚР ӘқбК 593-бабының 2-бөлімімен – қауіпсіздік белдігін тақпай айдағаны үшін, ҚР ӘқбК 595-бабының 1-бөлімімен хаттама толтырылды. Көлік арнайы айып тұрағына қойылды. Ал Мерседес тізгіндеген адам полциядан қашып жүр», - деді Жергілікті полиция қызметінің басшысы Манап Саттаров.

Жыл басынан бері әкімшілік жауапкершілікке ҚР ӘқбК 590-бабының 5-бөлімімен 500 жүргізуші тартылған.

«Олар көліктеріне дыбыс зорайтқыш орнатқан. Бұл дыбыс көп адамның тыныштығын бұзатыны рас. Қала тұрғындары мотицикл айдаған жүргізушілерге де жиі шағым түсіреді. Тексоңғы аптаның өзінде 17 жүргізуші жауапкершілікке тартылған», - деді Манап Саттаров.