14:25, 19 Қараша 2019 | GMT +6
Алматы облысында үшауысымдық 38 мектеп бар
НҰР-СҰЛТАН. ҚазАқпарат – Алматы облысында 38 мектеп үш ауысымда білім беріп жатыр, деп хабарлайды ҚазАқпарат тілшісі.
«Бүгінгі таңда Алматы облысы бойынша 38 мектеп үшауысымда білім беріп жатыр. Негізі Алматы облысында бала туу көрсеткіші жылдан жылға өсуде. Жыл сайын 50 мыңға жуық бала дүниеге келеді. Сондай-ақ, өңірдің миграциялық ахуалы да өсіп келеді», - деді Алматы облысының әкімі Амандық Баталов орталық коммуникациялар орталығында.
Осылайша Алматы облысының әкімі үшауысымды мектептердің санының өсуін демографиялық ахуалмен тікелей байланыстырды.