+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Алматы облысында жеті автокөлікті тонаған 20 жастағы күдікті ұсталды

2021 жылғы 25 қараша 21:46
Бөлісіңіз:
Алматы облысында жеті автокөлікті тонаған 20 жастағы күдікті ұсталды

ТАЛДЫҚОРҒАН. ҚазАқпарат Алматы облысында жеке үйлердің ауласында тұрған жеті автокөлікті тонап, ірі ақша соммасын қолды қылған ұрының ісі әшкере болды, деп хабарлайды ҚазАқпарат тілшісі.

Ұқсас жаңалықтар
«Сарыөзек-Көктал» күре жолы жабылды - Алматы облысы Алматыда фирма кеңсесінен ақша салынған сейф ұрланды ШҚО-да 3 монша кешенінде жезөкшелер притоны жұмыс істеген

Ағымдағы жылдың мамыр-қазан айлары аралығында Талғар ауданы аумағында бірнеше ұрлық дерегі орын алған. Күдікті Тұздыбастау, Бесағаш және Талдыбұлақ ауылдарындағы жеке үйлердің аумағына қоршау арқылы кіріп, иелерінің немқұрайлылығын пайдаланып, ашық, қымбат автокөлік ішінен ақша мен бағалы заттарды алып кететін болған. Ол жеті автокөліктен жалпы сомасы 6 500 000 теңгені құрайтын ақша мен бағалы заттарды заңсыз иемденген.

Жедел-іздестіру іс-шаралары барысында ұрының Еңбекшіқазақ ауданы Рахат кентінің 20 жастағы тұрғыны екендігі анықталды. Алайда оның белгісіз бағытқа кетуіне байланысты оны ұстау мүмкін болмады. Күдіктінің Алматы қаласына кеткені белгілі болды. Онда ол жалпы материалдық шығыны 2 500 000 теңге болатын тағы төрт ұрлық жасаған. Қазіргі уақытта, Алматының жергілікті жедел уәкілдері оны ұстап, қамауға алды.

Ұрланған ақшаға сатып алынған ВМW автокөлігі тәркіленіп, сот шешіміне дейін арнайы тұраққа қойылды. Бүгінгі таңда күдіктінің жалпы материалдық шығыны 9 миллион теңгеден асатын 11 қылмысқа қатыстылығы дәлелденді.

Өз кезегінде, полиция азаматтарды көлік құралдарында ақша мен құнды заттарын қалдырмауға шақырады.

«Көшеде және үйлердің аулаларында ашық күйде автомашиналарды қалдырмаңыздар. Ұрылардың әрекетінен қорғану үшін аулаңызда бейнебақылау жүйесін немесе күзет ұйымдарының қызметтерін пайдаланыңыз», - делінген Алматы облыстық Полиция департаменті баспасөз қызметінің хабарламасында.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT