14:32, 14 Қазан 2021 | GMT +6
Алматы облысында жүк көлігі қағып, мерт болған ер адамның кім екені белгісіз
ТАЛДЫҚОРҒАН. ҚазАқпарат - Алматы облысында ер адамды жүк көлігі қағып, ол алған жарақатынан оқиға орнында көз жұмды, деп хабарлайды ҚазАқпарат тілшісі.
Алматы облыстық Полиция департаменті баспасөз қызметінің мәліметінше, ер адамның жеке басын тәртіп сақшылары анықтап жатыр.
«13-қазан күні сағат 16:45 шамасында 59 жастағы Алматы қаласының тұрғыны жаяу жүргіншіні қағып кетті. Жәбірленуші алған жарақаты салдарынан оқиға орнында мерт болды»,- делінген ведомствоның хабарламасында.
Оқиға Гүлдала ауылына кіре беріс жерде болған.
«Аталған факті ҚР ҚК 345 бабв 3 бөлігі бойынша тіркелді. Жүргізуші қамауға алынды. Тергеу жүріп жатыр»,- деп толықтырды аталған ведомствоның баспасөз қызметінен.