13:11, 06 Желтоқсан 2019 | GMT +6
«Алматы - Өскемен» тасжолында көлік қозғалысына шектеу қойылды
ӨСКЕМЕН. ҚазАқпарат - Көктайғаққа байланысты «Алматы - Өскемен» тасжолы жабылды, деп хабарлайды ҚазАқпарат Индустрия және инфрақұрылымдық даму министрлігіне сілтеме жасап.
«Көктайғаққа байланысты «Алматы - Өскемен» автожолының 615-768 шақырымы және «Таскескен - Бақты» автожолының 0-75 шақырымында көлік қозғалысына шектеу қойылды. Жолдағы жағдай туралы ақпаратты білу және бөлісу үшін + 7 7172 444 777 нөміріне және +7 771 744 47 77 ұялы телефоны бойынша диспетчерлерге WhatsApp чатына хабарласуға болады» делінген хабарламада.
Еске сала кетейік, бұған дейін бірқатар өңірде жол жабылғанын хабарлаған болатынбыз.