11:14, 17 Сәуір 2021 | GMT +6
Алматыда бір күнде 9 мыңнан астам адам вакцина салдырды
АЛМАТЫ. ҚазАқпарат - Алматы қаласы бойынша соңғы тәулікте 9140 адам вакцина салдырды, деп хабарлайды ҚазАқпарат тілшісі.
«16 сәуір күні 9140 алматылық вакцина салдырды», - деп хабарлады қалалық қоғамдық денсаулық сақтау басқармасының баспасөз қызметі.
Биылғы жылдың 1 ақпаны мен 16 сәуір аралығында 126 099 адамға екпе салынды.
Алматы қаласында вакцинация жоспарға сәйкес жүргізілуде және сәуірдің 11-24 аралығында 100 000-нан астам адамды КВИ-ге қарсы иммундау жоспарланған.
Бүгінгі күні қалада 203 пункт жұмыс істеп жатыр, 1 809 адамнан тұратын 406 егу бригадасы бар.
Сондай-ақ, Ә. Қастеев атындағы өнер мұражайында (Сәтпаев к-сі) ашылыған вакциналау пункті өз жұмысын бастады. Жұмыс уақыты: 08:00-ден 20:00-ге дейін.
Айта кетейік, 15 сәуір күні Наурызбай ауданындағы «Тау самалы» базарында вакцинация пункті ашылды.