18:14, 01 Тамыз 2020 | GMT +6
Алматыда дөнер орталығынан өрт шықты
АЛМАТЫ. ҚазАқпарат - Алматыда сауда үйінің маңындағы дөнер орталығы өртенді, деп хабарлайды ҚазАқпарат тілшісі.
«Бүгін 15:43-те Сейфуллин даңғылы, 9 А мекенжайында орналасқан Жібек жолы сауда үйінің маңындағы жалпы ауданы 36 шаршы метр болатын донер орталығы өртенді. 16:06-да өрт сөндірушілер 10 шаршы метр аумақты шарпыған өртті сөндірді. Тілсіз жаудан ешкім жапа шекпеді», - деді қалалық ТЖД баспасөз қызметінен .
Тілсіз жауды сөндіруге 14 маман мен 5 техника жұмылдырылды.