10:54, 26 Мамыр 2020 | GMT +6
Алматыда коронавирустен қайтыс болғандар зиратында жерленгендер неге көп
АЛМАТЫ. ҚазАқпарат – Алматы әкімінің бірінші орынбасары Ерлан Қожағапанов коронавирустен қайтыс болғандардың зиратында неге 32 адам жерленгенін түсіндірді, деп хабарлайды ҚазАқпарат тілшісі.
«Бүгінде қалада коронавирустен Алматыда 10 адам қайтыс болған. Қалған 22 адам - коронавирус инфекциясы қосымша диагноз ретінде жазылғандар», - деді Ерлан Кожағапанов.
Мұның алдында бірқатар БАҚ зиратта 32 адам жерленгенін, тағы 12 орын дайындалғанын жазған болатын.
Айта кетейік, бүгінге дейін Алматыда коронавирустың жалпы 2276 жағдайы расталды. Індеттен жазылды - 1276 науқас.