Алматыда онкоинститутта жатқан 14 науқас пен төрт қызметкерден коронавирус анықталды

«Бүгінгі күні Қазақ онкология және радиология ғылыми-зерттеу институтында науқастар арасында коронавирус инфекциясының 14 және қызметкерлер арасында ПТР тесті оң көрсеткен төрт жағдай тіркелді. Қазіргі уақытта аумақтық санитарлық-эпидемиологиялық бақылау департаментімен жоспардан тыс тексеру жүргізіліп, алдын алу шаралары қабылданды», - дейді Әсел Қалықова

Оның айтуынша, коронавирус анықталған науқастар қаладағы жұқпалы аурулар ауруханаларына ауыстырылды.

«Коронавирус анықталған Онкологиялық орталықтың бөлімі жабылды. Яғни, осы мекемеге медициналық көмек көрсету үшін науқастарды жоспарлы қабылдау тоқтатылды. Жағдай бақылауда және жоспардан тыс тексеру жалғасуда», - деді спикер.

Сонымен қатар, ол медициналық мекеменің мәртебесі республикалық екенін атап өтті.

«Онда Қазақстаның барлық аймағынан келеді. Медициналық мекемеге қабылданғандардың барлығында ПТР тесті нәтижесі болды, қазір тестілердің қолжетімділігі тексеріліп жатыр. Яғни ПТР тесті шынымен өткен, өтпегені анықталады. Бұл мекемеде санитарлық-эпидемиологиялық режимнің қандай бұзушылықтары бар, тексеру нәтижиелері көрсетеді «, - деді Әсел Қалықова.