+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Алматыда пиротехниканың жарылуынан 2 адам жарақат алған

2019 жылғы 12 желтоқсан 13:52
Бөлісіңіз:
Алматыда пиротехниканың жарылуынан 2 адам жарақат алған

АЛМАТЫ. ҚазАқпарат – Алматыда 2019 жылы пиротехниканы дұрыс пайдаланбаудан 2 адам зардап шекті. Бұл туралы бүгін Алматы қалалық ТЖД өкілдері өткізген брифинг барысында айтылды, деп хабарлайды ҚазАқпарат тілшісі.

Ұқсас жаңалықтар
Петропавлда жарылғыш зат туралы хабар жалған болып шықты

Жыл сайын Алматыда 31 желтоқсаннан 5 қаңтарға дейін орта есеппен 10-20 өрт болады.

«Соңғы 5 жылда 61 өрт болған, оның 11-і пиротехникалық бұйымдарды дұрыс қолданбаудан болған. Алайда жылдан жылға пиротехникалық заттарды қолдану азайып келеді. 2015 жылы - 21 өрт, 2016 жылы – 10 өрт, 2017 жылы 14 өрт, 2018 жылы – 13 өрт, 2019 жылы 5 өрт тіркелген. Соңғы екі жылда пиротехникалық бұйымдардың кесірінен өрт болған жоқ», - деді ТЖД төтенше жағдайлардан болатын тәуекелдерді азайту және азаматтық қорғаныс саласын бақылау басқармасының басшысы Айдос Нүсіпбаев.

Оның айтуынша, пиротехника өнімдерін дұрыс қолданбаудан адамдар жиі зардап шегеді.

«2015 жылдан бергі 4 жыл ішінде 138 адам жарақат алған. Оның ішінде 73-і - бала. Бір айта кетерлігі, жылдан жылға жарақат алғандардың саны азайып келеді. 2015 жылы - 57 адам, оның ішінде 21 бала жарақат алған. Биыл қаңтар айында 2 адам жарақат алды. Оның бірі – кәмелет жасына толмаған бала», - деді Айдос Нүсіпбаев.

Алматы қалалық жедел жәрдем стансасының маманы адамдардың көбінесе қандай жарақатпен түсетінін айтты.

«Көбінесе адамдарды күйік шалады. Халық арасында 1-2 дәрежелі күйікпен жиі түседі. Көп жағдайда адамның беті, қол-аяғы, көзі жарақаттанады. Балаларға 12 жасқа дейін пиротехникалық заттарды қолдануға болмайды. Міндетті түрде қасында ересек адам болуы керек», - деді жедел жәрдем стансасының дәрігері Әсел Халилова.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT