USD 436.29 EUR 492.83
RUB 5.92 CNY 68.48
Jańalyqtar

Алматыда жаңа 190 троллейбус сатып алынады

2021 жылғы 25 қараша 16:46
Бөлісіңіз:
Алматыда жаңа 190 троллейбус сатып алынады

АЛМАТЫ. ҚазАқпарат - Алматы қаласы әкімінің орынбасары Серік Құсайынов брифинг барысында троллейбус паркін модернизациялау туралы айтты, деп хабарлайды ҚазАқпарат тілшісі.

Ұқсас жаңалықтар
Алматыда коронавирус жұқтырған 257 мың адам ауруханада жатыр Алматыда 13 мыңнан астам жасөспірім Pfizer вакцинасын алды Алматыда ұры Honda Odyssey көліктерін ғана ұрлап келген

«Алматылықтар арасында троллейбустар үлкен құрметке ие. Көліктің бұл түрі қалаға қажет, бірақ жаңарған нұсқада. «Алматыэлектротранс» паркін жаңарту туралы уәде орындалады»,- дейді ол.

Әкім орынбасарының айтуынша, соңғы рет Алматы үшін троллейбустар 2012 жылы сатып алынған. Қазіргі уақытта қала бойынша 215 көлік жұмыс істейді, оның ішінде 34 троллейбусты есептен шығару жоспарлануда.

«Бүгінде троллейбус паркі 165 техника шығатын тоғыз бағытқа қызмет көрсетеді. Ай сайын жолаушылар ағыны шамамен 2,5 млн адам. Сондай-ақ жергілікті атқарушы органдардың АЭТ өтейтін банк қарызы есебінен 190 жаңа троллейбус сатып алу мүмкіндігі қарастырылып жатыр», - деді спикер.

Сонымен қатар, қалада троллейбустардың жүру жолында 41 шақырымнан астам қолданыстағы кабельдер ауыстырылды. 600-ден астам жаңа тірек орнатылды, 172 шақырым байланыс желісі қайта жаңартылды. Бұл жұмыстар троллейбустардың үздіксіз жұмыс істеуі үшін жасалды.

«2021 жылдың тамыз айында Сейфуллин көшесіндегі 1-вокзалдан Райымбек даңғылына дейінгі троллейбустардың байланыс желілері ауыстырылды. Бүгінде осы учаскеде байланыс желілері үшін кронштейндерді орнату жұмыстары жүргізілуде. Сонымен қатар, Әуезов көшесі бойымен Гоголь көшесінен Тимирязев көшесіне дейінгі байланыс желілерін ауыстыру жұмыстары басталды. Жобаның аяқталу мерзімі – 2022 жыл»,- деді әкімдік өкілі.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT