+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Алматыда жаяу адамды қағып өлтірген троллейбус жүргізушісіне сот үкімі шықты

2020 жылғы 18 қыркүйек 21:45
Бөлісіңіз:
Алматыда жаяу адамды қағып өлтірген троллейбус жүргізушісіне сот үкімі шықты

АЛМАТЫ. ҚазАқпарат - Алматыда жаяу жүргіншіні қағып өлтірген троллейбус жүргізушісіне сот үкімі шықты, деп хабарлайды ҚазАқпарат.

Ұқсас жаңалықтар
Павлодарда көлік қаққан әйел оқиға орнында көз жұмды

Бостандық ауданының №2 сотында троллейбус жүргізушісі Щепин атты азаматқа қатысты іс қаралды. Оған жол ережесін бұзып, абайсызда кісі өлтіру айыбы тағылған.

Қылмыстық іс онлайн режимде қаралды. Сот процесі кезінде айыпталушы кінәсін толық мойындап, жасаған ісіне өкінетінін айтты. Мемлекеттік айыптаушы жүргізушіні 2,5 жылға бас бостандығынан айыруды өтінді.

Сот үкімімен Щепин ҚР Қылмыстық кодексі 345-бабы 3-бөлімі бойынша айыпты деп танылып, 2,5 жылға сотталды. Ол жазасын қауіпсіздігі төмен мекемеде өтейді.

Сондай-ақ жәбірленуші тарапқа «Алматыэлектротранс» жауапкершілігі шектеулі серіктестігі 2 877 704 теңге көлемінде материалдық өтемақы төлеуі тиіс. Ал моральдық зиян келтіргені үшін 3 млн теңге төленеді.

Үкім заңды күшіне енген жоқ.

Еске сала кетейік, бұл оқиға биылғы 5 ақпан күні болған. №12 бағыттағы троллейбус Сәтбаев көшесінің бойымен жолаушысыз автопаркке қарай бет алған. Жүргізуші Розыбакиев көшесіне жетпейтін тұста тұрған Lexus GS 300 және Honda Accord маркалы екі көлікті соққан.

«Розыбакиев көшесіне жеткенде оның қан қысымы көтеріліп, есінен танып қалған. Сөйтіп көшеде тұрған Lexus GS300 және Honda Accord көліктерін соғып, тротуарға шығып кеткен және жаяу адамды қаққан. Оқиға орнына полиция қызметкерлері, тасымалдаушы компания өкілдері, жедел жәрдем келді. Келген дәрігерлер жаяу жүргіншіге медициналық көмек көрсетті, бірақ ер адам ауыр жарақаттан сол жерде қайтыс болды. Марқұмның отбасына өтемақы төленеді», - деп түсіндірді «АлматыЭлектротранс» АҚ.


Біздің каналымызға жазылыңыз:

Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT