Алжирде екі автобус соқтығысып, 12 адам мерт болды

None
None
НҰР-СҰЛТАН. ҚазАқпарат – Жексенбі күні Алжирдің оңтүстігінде екі жолаушылар автобусының соқтығысуы салдарынан 12 адам қаза тапты. Бұл туралы ҚазАқпарат Mosaique FM радиостанциясына сілтеме жасап хабарлайды.

Оқиға таңсәріде Эль-Уэд провинциясындағы Сатыль қалашығының маңында болған. Азаматтық қорғаныс қызметі өкілдерінің алдын ала мәліметтері бойынша жол апаты салдарынан 46 жолаушы жарақат алған. Олар жергілікті медициналық мекемелерге жеткізілді.

Қоғамдық көліктер соқтығысуының себеп-салдарын оқиға орнына келген алжирлік прокуратураның тергеушілері анықтайтын болады.


Фото: Twitter / Nadjim Ndjemo




Соңғы жаңалықтар