15:28, 29 Тамыз 2020 | GMT +6
Антикор қызметкерлері «Қазақстан Конституциясына 25 жыл» мерейтойлық медальдарымен марапатталды
НҰР-СҰЛТАН. ҚазАқпарат – Мемлекет басшысының Жарлығымен ҚР Конституциясының ұлықтығын қамтамасыз етуге, елдің тәуелсіздігін, Қазақстан қоғамындағы келісім мен тұрақтылықты нығайтуға, азаматтардың конституциялық құқықтарын қорғауға қосқан елеулі үлесі үшін, сондай-ақ Қазақстан Республикасы Конституциясының 25 жылдығының құрметіне орай Агенттіктің бірқатар қызметкері «Қазақстан Конституциясына 25 жыл» мерейтойлық медальдарымен марапатталды. Бұл туралы ҚазАқпарат Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап хабарлайды.
Агенттік төрағасы Алик Шпекбаев Сыбайлас жемқорлыққа қарсы қызметтің орталық аппараты мен аумақтық құрылымдарының ерекше көзге түскен қызметкерлеріне медальдарды салтанатты түрде табыс етіп, оларға қайсарлығы мен заңдылық пен құқықтық тәртіпті нығайтуға қосқан үлесі үшін алғысын білдірді.
