+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

«Ашық үкімет» порталындағы ақпараттар халыққа қолжетімді әрі пайдалы болуы тиіс

2019 жылғы 4 қазан 01:23
Бөлісіңіз:
«Ашық үкімет» порталындағы ақпараттар халыққа қолжетімді әрі пайдалы болуы тиіс

НҰР-СҰЛТАН. ҚазАқпарат - «Ашық үкімет» порталында жарияланатын ақпараттар халыққа барынша қолжетімді әрі пайдалы болуы тиіс. «Astana Hub» алаңында өткен басқосуда осындай қорытынды жасалды, деп хабарлайды ҚазАқпарат.

Ұқсас жаңалықтар
Қазақстандықтар ХҚО-дан қай анықтамаларды жиі алады Сарыағаш пен Келес аудандарында жәрмеңкелер өтті Петропавлда «Қалтаңыздағы ХҚО» акциясы өтті

Нұр-Сұлтан қаласында Ақпарат және қоғамдық даму, Ұлттық экономика, Қаржы министрліктерінің және Жоғарғы сот өкілдері IT-қауымдастық пен үкіметтік емес ұйымдармен бірге «Ашық деректер» және «Ашық бюджет» порталдарымен жұмыс істеудегі қажеттіліктерін талқыға салды.

«Ашық үкімет» порталына тұрғындар мен бизнес өкілдерінің қызығушылығы артқан. Сондықтан, порталдарға орналастарылатын ақпараттар қоғам үшін барынша қолжетімді әрі пайдалы болуы тиіс.

Мысалға, IT-қауымдастық және үкіметтік емес ұйымдар аталған порталдарда ҚҚС төлеушілердің тізілімі, төлеуші ретінде тіркеу есебінен шығарылған салық төлеушілердің тізімі, тіркелген жеке кәсіпкерлердің тізілімі, жекешелендіру объектілерінің тізілімі, сот актілері банкі және басқа ақпараттардың болғанын қалайды.

Мемлекеттік органдардың өкілдері жыл соңына дейін бірқатар сервистерді Open API-ге көшіру (мысалы, жеке кәсіпкерлер мен заңды тұлғалардың деректері) және жаңа деректер жиынтығын (мысалы, дәрменсіз борышкерлер тізімі, әрекетсіз деп танылған салық төлеушілер тізімі) ашық түрде орналастыру жөніндегі жоспарлары туралы хабардар етті.

Талқылау қорытындысы бойынша «Ашық бюджет» порталында орналастыруға жататын ақпарат тізбесі бойынша нақты ұсыныстар әзірлеу үшін мемлекеттік органдар мен қоғамдық ұйымдардың өкілдерімен арнайы жұмыс тобын құру шешілді.

Кездесу соңында іс-шараға қатысушылар IT-компаниялар мен үкіметтік емес ұйымдар үшін осы кездесудің маңыздылығын атап өтті, сондай-ақ осындай форматта тұрақты негізде диалогты жалғастыру қажеттілігі туралы шешімге келді.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT