Астан уланып ауруханаға түскен 52 адамның жағдайы белгілі болды

«Елордадағы «Okadzaki» дәмханасында астан уланып, зардап шеккендер саны 64 адам. Олар медициналық көмекке жүгінді. Оның ішінде 52 адам ауруханаға жатқызылды, 11-і - бала. Қалған 12 пациентке амбулаторлық ем көрсетілді. Медициналық көмекке жүгінген азаматтар іштің қабынуы, өтуі, жүректің айнуы және тағы сол сияқты белгілерге шағымданды», - деді қалалық денсаулық сақтау басқармасының баспасөз хатшысы Әйгерім Ардақ.

Оның айтуынша, қазір науқастарға тиісті ем көрсетіліп жатыр.

«Пациенттердің жағдайы қалыпты, орташа. Өмірлеріне қауіп төніп тұрған жоқ», - дейді ол.

Бұған дейін хабарлағанымыздай Нұр-Сұлтан қаласында 64 адам астан уланды.

Аталған дәмханада шикізат пен дайын өнімнен сынама алынды. Қазір жоспардан тыс тексеру жұмысы жалғасып жатыр.