«Астана LRT» ісі: Қаражат жымқыру схемасы анықталды
«Тергеуде бәрі анықталатын болады. Жалған кәсіпорындармен LRT мердігерлік ұйымдары байланысты болған. Тергеуге байланысты олардың қанша болғанын нақты айта алмаймыз. Уақыты келгенде сіздерге барлығын хабарлайтын боламыз», - деді Сергей Перов журналистердің сұрақтарына жауап беріп.
Ол жалған кәсіпорындар арқылы жобаға бөлінген қаражаттың жымқырылғанын айтып өтті.
Сондай-ақ, Перов компанияның қашып жүрген бұрынғы басшысына қатысты пікір білдірді.
«Оны халықаралық желі, мемлекетаралық іздеу желісі бойынша іздеп жатырмыз. Тергеу жымқыру фактісі бойынша басталған. Күдікті іздеуде», - деді Сергей Перов.
Еске салсақ, Президент LRT құрылысын жеделдетуді және оған қатысты істі тергеуді тапсырды.
Бұған дейін LRT-ның құрылысы уақытша тоқтатылғаны туралы хабарлаған болатынбыз. Оған қатысты Үкімет басшысы Асқар Мамин пікір білдірді.