+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Астанада 27-29 қазан күндері қазақ күресінен әлем чемпионаты өтеді

2017 жылғы 5 қазан 09:18
Бөлісіңіз:
Астанада 27-29 қазан күндері қазақ күресінен әлем чемпионаты өтеді

АСТАНА. ҚазАқпарат - Астанада 27-29 қазан аралығында қазақ күресінен 40 мемлекеттің қатысуымен әлем чемпионаты өтеді, деп хабарлайды ҚазАқпарат тілшісі.

Бұл туралы «Қазақ күресі халықаралық федерациясы» мәлім етті.

Еліміздің ұлттық ойынына әлемнің түкпір-түкпірінен 40 мемлекеттің спортшылары қатысады. Олардың қатарында АҚШ, Қытай, Австралия, Үндістан, Литва, Ресей, Бельгия, Камерун бастаған елдердің ең таңдаулы балуандары бар.

Қазақ күресі ежелгі спорт түрлеріне жатады. Бүгінгі таңда оның күн өткен сайын танымалдығы артып келеді. Тіпті, қазақ күресі түрлі той мен салтанатты іс-шараларда өткізіліп жүр. 2016 жылдан бастап ЮНЕСКО оны материалдық емес мәдени мұра тізіміне енгізген.

Чемпионат 8 салмақ дәрежесі және абсолюттік дәреже бойынша өтеді.

27 қазанда «Хан шатыр» ойын-сауық орталығында спортшылардың салмақ өлшеу және жеребе тастау рәсімі өтсе, 28-29 қазан күндері «Барыс-Арена» мұзайдыны сарайында жарыс өтеді.

Біріншіліктің алғашқы күні спортшылар 55, 90, 100 және +100 келіде белдессе, екінші күні 60, 66, 74, 82 және абсолюттік салмақ дәрежесі бойынша мықтылар анықталмақ.

Айта кетейік, «Қазақ күресі халықаралық федерациясы» ЗТБ 2017 жылдың 24 наурызында Астана қаласының Әділет департаментінде тіркелген.

2017 жылғы ақпанда 35 мемлекет өкілдерінің қатысуымен Астана қаласында өткен Қазақ күресі халықаралық федерациясының Конгресінде федерация жұмысы нықталып, президенті ретінде Қанат Бозымбаев тағайындалған болатын.

Біздің каналымызға жазылыңыз:

Басты сөздер: Нұр-Сұлтан, Спорт, КАЗМЕДИА,
Бөлісіңіз:

Автор:

Күнсұлтан Отарбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT