Астанадан шығатын тағы бірқатар трасса қозғалыс үшін ашылды

Smart Astana Telegram-каналының ақпаратына сәйкес, 13 қаңтар сағат 06.00-ден бастап республикалық маңыздағы:

- «Нұр-Сұлтан қаласы – Теміртау қаласы» (Екатеринбург – Алматы жолының 1291-1426 шақырым аралығы);

- «Нұр-Сұлтан – Павлодар облысының шекарасы» (Нұр-Сұлтан – Ерейментау – Шідерті жолының 16 – 200 шақырым аралығы) трассалары қайта ашылды.

Сондай-ақ сағат 06.15-тен бастап республикалық маңыздағы:

- «Қабанбай батыр ауылы – Қарағанды облысының шекарасы» (Нұр-Сұлтан қаласы – Қабанбай батыр ауылы – Киевка ауылы – Теміртау қаласы автожолының 36-51 шақырым аралығы) автожолында барлық көлік түрі үшін қозғалысқа қайта рұқсат берілді.

Бұған дейін елордадан Қорғалжын ауданы және Щучинск қаласына баратын екі автожол қозғалыс үшін ашылған болатын.

Еске сала кетсек, ауа райының қолайсыздығына байланысты (қар, боран, жолдың көрінбеуі) Ақмола, Қостанай, Қарағанды, Павлодар, Солтүстік Қазақстан облыстарында бірқатар жолда көлік қозғалысы шектелді.

Сондай-ақ Қарағанды облысының аумағында барлық ішкі бағыт бойынша трассалар жабылды. Б ұрқасыннан Нұр-Сұлтан – Теміртау күре жолында 15 көлік соқтығысты , бір адам зардап шекті.

Синоптиктер 13 қаңтар күні 7 өңірде ауа райы қайта бұзылатынын болжап отыр.