+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Атырау облысында 500 орындық Қайтпай Сұлтан мешітінің іргетасы қаланды

2021 жылғы 24 ақпан 13:45
Бөлісіңіз:
Атырау облысында 500 орындық Қайтпай Сұлтан мешітінің іргетасы қаланды

НҰР-СҰЛТАН. ҚазАқпарат – Қазақстан мұсылмандары діни басқармасының төрағасы - Бас мүфти Наурызбай қажы Тағанұлы Атырау облысына барған жұмыс сапарында 500 орындық Қайтпай Сұлтан мешітінің іргетасын қалады, деп хабарлайды ҚазАқпарат тілшісі.

Ұқсас жаңалықтар
Атырауда модульдік ауруханада дүниеге келген үш сәбиден коронавирус анықталмады Атырауда бір ғимараттағы 4 қойма өртеніп кетті Атырау облысында 250 мың адам коронавирусқа қарсы вакцина алады

ҚМДБ баспасөз қызметінің мәліметінше, салтанатты рәсімге Атырау облысының әкімі Махамбет Досмұхамбетов те қатысты.

«Халқымызда: «Азаны бар ауыл азбайды», – деген нақыл бар. Мешіт – барша жақсылықтың тоғысқан құтты мекені. Бұл құлшылықтың ғана ордасы болып қалмай, рухани һәм мәдени-ағарту, бірлік пен берекенің ошағына айналады деген сенімдемін. Жаңа мешіт, сонымен қатар салт-дәстүріміздің, тағылымға толы тарихымыздың насихатшысы, әрі қайырымдылықтың орталығы болады. Пайғамбарымыз Мұхаммед (оған Алланың салауаты мен сәлемі болсын) өзінің қасиетті хадис-шарифінде: «Алла Тағала мешітті жақсы көрген пендені жақсы көреді», – деген. Сіздер мешітті жақсы көргендіктен, Алла үйін тұрғызуға үлес қосып отырсыздар. Хақ Тағала мол сауаптан жазсын», - деді игі іс-шараны ашқан Бас мүфти Наурызбай қажы Тағанұлы.

Өңір басшысы Махамбет Досмұхамбетов те ізгі тілегін білдіріп, мешіттің қоғамда алар орнын айрықша атап өтті.

Айта кетсек, Атырау қаласы маңындағы Еркінқала селолық округінен бой көтеретін Қайтпай Сұлтан мешіті жергілікті тұрғындардың өтініші бойынша салынбақ. Құрылысы бір жылда аяқталатын мешіт қазақы нақышта тұрғызылады деп күтілуде. 500 орындық мешіт ішінде Құран оқу бөлмесі, ерлер және әйелдерге арналған намаз оқу залдары, дәрісханалар болады. Мешіт жанынан асхана, имам үйі салынбақ.

Бүгінде Атырау облысында 34 мешіт жұмыс істейді.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT