17:28, 25 Шілде 2021 | GMT +6
Атырау облысында сайлаушылардың 62 пайызы таңдау жасап үлгерді
АТЫРАУ. ҚазАқпарат – Атырау облысында сайлаушылардың 62%-ы дауыс берді, деп хабарлайды ҚазАқпарат.
Облыстық аумақтық сайлау комиссиясының төрағасы Азамат Айманакумовтың ақпаратына қарағанда, 18 сайлау округіндегі 36 сайлау учаскесінде дауыс беру жалғасып жатыр.
«Жергілікті уақытпен сағат 16:00-де сайлаушылар тізіміне енгізілген 44 305 адамның 62 пайызы дауыс берді. Оның ішінде сайлаушылардың белсенділігі Атырау қаласында - 58%, Жылыой ауданында 66,9%, Индерде – 71,2%, Исатайда – 69,5%, Құрманғазыда – 56,2%, Қызылқоғада – 66,1%, Махамбет ауданында 63,6%-ды құрады», - дейді Азамат Айманакумов.
Еске сала кетелік, бұдан бұрын Атырау облысында сайлаушылардың белсенділігі байқалатынын жазған болатынбыз.