18:15, 04 Мамыр 2021 | GMT +6
Атырау облысында жол апатынан 2 адам мерт болып, 4-еуі жарақат алды
АТЫРАУ. ҚазАқпарат – Атырау облысында жол апатынан 2 адам мерт болып, 4-еуі жарақат алды, деп хабарлайды ҚазАқпарат.
Облыстық полиция департаменті баспасөз қызметінің ақпаратына қарағанда, жол апаты Құрманғазы ауданындағы №9 теміржол бекетінің тұсында болған.
«УАЗ» бен «Lada Largus» көліктері соқтығысқан. Оқиға орнында 18 және 30 жастағы 2 ер адам көз жұмған. Тағы 4 адам түрлі жарақатпен Құрманғазы аудандық ауруханасына жеткізілген.
Қазір аталған дерекке қатысты ҚР Қылмыстық кодексінің 345-бабының 4-бөлігімен сотқа дейінгі тергеп-тексеру басталды.
Еске сала кетелік бұдан бұрын Атырауда жол апатынан театр әртісі көз жұмған еді.