+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Атырау облысының әкімі қоймадағы дәрі-дәрмек қорын тексерді

2020 жылғы 1 тамыз 11:46
Бөлісіңіз:
Атырау облысының әкімі қоймадағы дәрі-дәрмек қорын тексерді

АТЫРАУ. ҚазАқпарат – Бүгін аймақ басшысы Махамбет Досмұхамбетов дәрі-дәрмектер мен медициналық мақсаттағы бұйымдарды тұрақтандыру қорының қоймасын қарап шықты, деп хабарлайды Атырау облыстық коммуникациялар қызметі.

Атырау облысы әкімдігі дәрі-дәрмектер мен медициналық заттардың қорын құрған болатын. Осы мақсатта «Атырау» ӘКК Атырау облысындағы ең ірі дистрибьютор компаниямен арнайы меморандум жасап, жыл соңына дейін 4 миллион 800 мың орама дәрілік зат пен медициналық бұйым сатып алуға 500 миллион теңге бөлді. Бұл сомаға қосымша 900 мың дана медициналық мақсаттағы бұйымдар мен дәрі-дәрмектердің азаймайтын қоры құрылады. Сатып алынған медициналық дәрі-дәрмектердің жалпы көлемінен 73,3 млн. теңгеге 105 мың 235 дана дәрі-дәрмек қала және аудандардағы дәріхана желілеріне таратылды.

Облыс әкімі бұдан былай дәрі-дәрмектер мен басқа да медициналық мақсаттағы бұйымдарды жеткізу тұрақты негізде жүзеге асырылатындығын атап өтті.

« Біздің басты міндетіміз - азаматтардың денсаулығын сақтау. Қажетті дәрі-дәрмектермен қамтамасыз ету мәселесін түбегейлі шешу, дәрі-дәрмектердің мол қорын құру» - деді Махамбет Досмұхамбетов.

Атап өтерлігі, Атырау облысының дәріханаларына соңғы үш аптада 100 тонна дәрі-дәрмек жеткізілді. Жуырда 40 тонна аса қажетті препараттар тағы келеді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT