Атырауда абаттандыру ережесін бұзған 50 адамға айыппұл салынды

None
None
АТЫРАУ. ҚазАқпарат – Атырауда абаттандыру ережесін бұзған 50 адамға айыппұл салынды, деп хабарлайды ҚазАқпарат.

Облыстық полиция департаменті баспасөз қызметінің мәліметінше, учаскелік полиция инспекторлары қаладағы абаттандыру жұмысына қатысты рейдтік іс-шара өткізген.

«Учакелік полиция инспекторлары өздеріне бөлініп берілген аумақты аралауды жандандырды. Оларға жүктелген міндеттің қатарында тұрғындардарға еліміздің заңдылығын сақтау, соған сәйкес жауапкершілікті ескерту мен түсіндіру бар.

Инспекторлар «Учаске» профилактикалық-жедел іс-шарасы кезінде ҚР Әкімшілік құқықбұзушылық туралы кодексінің 505-бабын бұзғаны үшін (Қалалар мен елді мекендердің аумақтарын абаттандыру ережелерін бұзғаны үшін) 70-тен астам адамды

жауапкершілікке тартты. Заңдылықты бұзған 50 адамға айыппұл салынып, 20-дан астамына ескерту берілді», - дейді Атырау қалалық полиция басқармасы жергілікті полиция қызметі бөлімі бастығының орынбасары Айымбек Қазбеков.

Еске сала кетелік, бұдан бұрын Атырауда автобус жүргізушілері бір күнде 55 мәрте ереже

бұзғанын жазған едік.


Соңғы жаңалықтар