USD 436.29 EUR 492.83
RUB 5.92 CNY 68.48
Jańalyqtar

Атырауда әйелін қызғанған 35 жастағы жігіт туысының пәтеріне жасырын камера қойған

2021 жылғы 18 қазан 21:24
Бөлісіңіз:
Атырауда әйелін қызғанған 35 жастағы жігіт туысының пәтеріне жасырын камера қойған

АТЫРАУ. ҚазАқпарат – Атырауда 35 жастағы жігіт туысының пәтеріндегі жуынатын бөлмеге жасырын камера қойған, деп хабарлайды ҚазАқпарат.

Облыстық полиция департаменті баспасөз қызметінің мәліметінше, бұл туралы полицияға 36 жастағы әйел шағым түсірген.

Полицияға 17 қазанда 36 жастағы әйел хабарласып, пәтеріндегі жуынатын бөлменің қабырғасына жасырын камера орнатылғаны туралы шағым түсірді.

Жеке өмірге қолсұғушылық қылмысын жасаған күдікті арызданушының күйеу баласы болып шықты.

«Ауданда тұратын күйеу баласының айтуынша, әпкесінің үйіне жиі қонаққа келетін әйелін қызғанып, жасырын камера орнатқан. Камераның жанына қуаттағышын жалғаған 35 жастағы күдікті қылмысын толықтай мойындады», -деп хабарлады департаменттің баспасөз қызметі.

Қазір күдіктіге қатысты ҚР Қылмыстық кодексінің 147-бабының 3 бөлігімен сотқа дейінгі тергеу жүріп жатыр.

Еске сала кетелік, бұған дейін Атырауда көлік терезесін сындырып, 2 млн теңге ұрлағандар ұсталғанын хабарлаған болатынбыз.




Біздің каналымызға жазылыңыз:

Бөлісіңіз:

Автор:

Бек Мұстафа

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT