Атырауда көпқабатты тұрғын үйдің кіреберісіне қаршыға ұшып кірген
Облыстық төтенше жағдайлар департаменті баспасөз қызметінің мәліметінше, оқиға бүгін сағат 13.55-те тіркелген.
«Департаменттің диспетчерлік пультіне Атырау қаласындағы Б.Момышұлы көшесінде орналасқан №7 үйдің тұрғындарынан кіреберіске жыртқыш дала құсып кіріп кеткені туралы хабар түсті. Шақырту орнына келген құтқарушылар тұрғын үйдің кіреберіске кірген құстың қаршыға екенін анықтады. Құтқарушылар сұңқарды ұстап алып, еркіндікке жіберді», - деп мәлім етті департаменттің баспасөз қызметінен.
Әзірге қаршығаның қозғалысы көп қалаға қалай келгені белгісіз. Дегенмен, өздігінен далаға шығар жолды таба алмаған құсты құтқаруға жедел-құтқару жасағының 3 қызметкері мен 1 техникасы жұмылдырылған.
Еске сала кетелік, бұдан бұрын Атырауда 4-қабаттан құлап, күнқағарға ілініп қалған ер адам құтқарылғанын жазған едік.