11:38, 13 Ақпан 2020 | GMT +6
Атыраудағы түрме бастығының үстінен қылмыстық іс қозғалды
НҰР-СҰЛТАН. ҚазАқпарат – Атырау облысындағы УГ-157/11 түзеу мекемесінің бастығы мен бас бухгалтеріне қатысты тергеу жүріп жатыр. Бұл туралы ҚазАқпарат ҰҚК баспасөз қызметіне сілтеме жасап хабарлайды.
«ҰҚК департаменті Атырау облысының прокуратурасымен бірлесіп, облыстық Қылмыстық атқару жүйесі департаменті УГ-157/11 түзеу мекемесінің бастығы мен бас бухгалтеріне қатысты ҚР ҚК 366-бабы 3-бөлігі 1, 2, 4-тармақтары («Пара алу») бойынша сотқа дейінгі тергеп-тексеруді бастады. Олар 2019 жыл үшін сыйлықақы мен көтермелеу төлемдерінің бір бөлігін бірнеше мәрте алу фактісі бойынша тергелуде», - делінген хабарламада.
Атырау қаласының мамандандырылған тергеу соты ұсталғандарға қатысты «қамауда ұстау» түріндегі бұлтартпау шарасын қабылдады.
Дәлелдеме базасын бекіту бойынша тергеу іс-шаралары жалғасуда.
ҚР ҚІК 201-бабы 1-бөлігіне сәйкес басқа ақпарат жариялауға жатпайды.