Автобус жүргізушілері кінәсінен қанша жол апаты болды

«Қазір елімізде әрбір үшінші автобус (84 703 автобустың 25 823-і) 20 жылдан астам уақыт бойы пайдаланылып келеді. Автобус жүргізушілерінің кінәсінен 87 жол-көлік апаты орын алды, онда 9 адам қаза тауып, 111 адам жарақат алды», - деді Серік Түсіпов министрлікте өткен онлайн брифингте.

Оның айтуынша, ескі автобустардың басым бөлігі (71% немесе 18 346) жеке тұлғалардың иелігінде кездеседі.

«Олар тұрақты емес маршруттарда жұмыс істейді және көпшілігі қауіпсіздік ережелерін бұза отырып қайта жабдықталған. Жыл сайын полиция қызметкерлері тұрақты емес тасымалдауға пайдаланылған 500-700-ге жуық қайта жабдықталған автобусты анықтайды. Сондықтан техникалық ақауы бар немесе қайта жабдықталған көлікті анықтау жұмыстары тұрақты негізде жалғасады», - деп атап өтті Серік Түсіпов.