Аймақтарда бюджеттің жұмсалуын партия қатаң бақылауы тиіс – Нұрсұлтан Назарбаев

None
None
НҰР-СҰЛТАН. ҚазАқпарат – Елбасы Нұрсұлтан Назарбаев Nur Otan партиясының кеңесінде партияның өңірлердегі жұмысын жетілдіруді тапсырды, деп хабарлайды ҚазАқпарат Elbasy.kz сайтына сілтеме жасап.

«Әрбір әкімнің және мәслихаттардағы фракция депутаттарының партиялық жауапкершілігін күшейту керек. Қазіргі уақытта барлық реформалар аймақтарды дамытуға бағытталған. Мәселен, соңғы 10 жылда жергілікті бюджеттер 3 есеге жуық өсіп, 4,7 трлн теңгені құрады. Бөлінген қаражаттың жұмсалуына партияның қатаң бақылауын қамтамасыз ету маңызды. Сонымен бірге, депутаттар жұмысын одан әрі жақсарту мен барлық мәслихаттардың мәртебесін нығайту шараларын жүргізу қажет», - Нұрсұлтан Назарбаев.

Айта кетейік, бүгін Нұрсұлтан Назарбаев Nur Otan партиясының өңірлік филиалдары өкілдерінің қатысуымен кеңес өткізді.

Соңғы жаңалықтар