+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Бағдат Мусин мобильді интернет жүргізілген ауылда болып қайтты

2020 жылғы 31 желтоқсан 18:11
Бөлісіңіз:
Бағдат Мусин мобильді интернет жүргізілген ауылда болып қайтты

НҰР-СҰЛТАН. ҚазАқпарат – Цифрлық даму, инновациялар және аэроғарыш өнеркәсібі министрі Бағдат Мусин таяуда мобильді интернет жүргізілген, Нұр-Сұлтаннан 250 шақырым қашықтағы ауылда болып қайтты, деп хабарлайды ҚазАқпарат тілшісі.

«250 шақты адам тұратын ауылдарға интернет жеткізу бағдарламасы бойынша жүргізілген жұмысты өз көзіммен көріп қайтайын деп, биылғы жылдағы соңғы іссапарымды Нұр-Сұлтаннан 250 шақырымдағы Бірсуат атты ауылында өткіздім. Бұл ауылда 400-ден астам адам тұрады, мектеп те бар. Ұялы интернет осы жылда пайда болып, енді ауыл тұрғындары 4G арқылы жан-жақтағы ағайын-туыстарын видеобайланыспен құттықтай алатынына ризамын.

Bailanys. Bar арқылы интернет сапасын өлшеп едім, 40 Mbps жылдамдығымен ұшып тұр екен», - деп жазды Бағдат Мусин Instagram-дағы парақшасында.
Министр осындай жылдамдықты бүкіл жерде жүргізу үшін байланыс операторларымен бірге әлі талай жұмыс жүргізетінін жеткізді.


«Бірақ нәтижелеріміз әрине көрініп тұр. Пандемия мен аязға қарамастан жұмысты жалғастырып жатқан барлық құрылысшыларға және инженерлерге алғыс айтамын!», - деді Бағдат Мусин.

Еске сала кетсек, таяуда Цифрлық даму, инновациялар және аэроғарыш өнеркәсібі министрі eGov порталының электронды цифрлық қолтаңбасыз тіркелетін нұсқасын таныстырған болатын.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT