+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Бақтияр Мәкен: Жастарды жұмысқа орналастыру шараларын жалғастырамыз

2020 жылғы 29 қазан 13:13
Бөлісіңіз:
Бақтияр Мәкен: Жастарды жұмысқа орналастыру шараларын жалғастырамыз

НҰР-СҰЛТАН. ҚазАқпарат – Нұр-Сұлтан қаласы әкімінің орынбасары Бақтияр Мәкен пандемияның экономикалық салдары ерекше әсер еткенін мәлім етті, деп хабарлайды ҚазАқпарат тілшісі.

Ұқсас жаңалықтар
Коронавирус пневмониясы: Бір күнде 204 адам ауруға шалдығып, 4 науқас көз жұмды Елімізде 701 науқас коронавирустан жазылды Қысқы қолғап коронавирустан қорғай ма

«Жалпы Қазақстандағы халықтың 20 пайызын жастар құрайды. Көптеген жас азаматтарға пандемияның әсері ерекше тигенін жасыра алмаймыз. Бұл жыл әлемге ғана емес, Қазақстанға да оңайға тиген жоқ. Халықаралық еңбек нарығының баяндамасына сәйкес пандемия басталғалы бері әлемдегі әрбір алтыншы жас азамат өзінің жұмысын тоқтатуға мәжбүр болған немесе жұмыстан шығып қалған. Жастардың көбі қызмет көрсету мен сауда, техникалық реттеу саласында еңбек етеді. Өздеріңіз білетіндей, Мемлекет басшысының тапсырмасымен Үкімет дағдарысқа қарсы шараларды енгізді. Дағдарысқа қарсы шаралар аясында Жұмыспен қамту бағдарламасы бізге көп көмектесті. Біз бұл жұмысты жалғастырамыз», - деді Бақтияр Мәкен онлайн режимде «Болашақ» қауымдастығының ұйымдастыруымен өткен «Жастар және инновациялар» форумында.

Оның айтуынша, пандемияның салдарынан экономика зардап шеккендіктен, ал бұл өз кезегінде жастарға кері әсерін тигізетіндіктен ең алдымен олардың жұмыссыз қалмауына баса мән беру керек.

«Техникалық реттеу, сауда мен қызмет көрсету саласында жұмысын жалғастырып жатқандардың өзі биыл табысының 42 пайызынан айырылды. Сол үшін жастарға барынша қолдау көрсету керек», - деді ол.

Еске сала кетсек, аталмыш онлайн жиында Ақпарат және қоғамдық даму вице-министрі Асхат Оралов Қазақстанда жастарды қолдаудың 2021-2025 жылдарға арналған кешенді жоспары таныстырылатынын мәлім еткен болатын.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT