07:26, 16 Мамыр 2020 | GMT +6
Балқаш қаласында ауа сапасы нашарлайды
НҰР-СҰЛТАН. ҚазАқпарат – «Қазгидромет» РМК Қазақстан қалаларындағы 16 мамыр күнгі ауа сапасы туралы болжамын жариялады, деп хабарлайды ҚазАқпарат.
Атап айтқанда, ауаның ластануының қолайсыз метеорологиялық жағдай тек Балқаш қаласында ғана күтіледі.
Өзге шаһарларда метеорологиялық ахуал қалыпты болады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.