Батыс Қазақстанда автокөлік мотоцикл мінген жасөспірімді қағып кетті

None
None
ОРАЛ. ҚазАқпарат - Батыс Қазақстан облысында автокөлік мотоцикл мінген жасөспірімді қағып кетті, деп хабарлайды ҚазАқпарат тілшісі.

БҚО полиция департаменті баспасөз қызметінен түскен мәліметке қарағанда, оқиға 8 шілде күні Шыңғырлау ауданы Ақшат ауылында болды.

Сағат 12.30-да 65 жастағы жүргізуші «ВАЗ-2107» автокөлігімен 16 жасар жасөспірім айдап келе жатқан мотоциклмен соқтығысуға жол берген.

Жол апаты салдарынан жасөспірім Сырым аудандық орталық ауруханасының хирургиялық бөлімшесіне жатқызылды.

Аталған дерек бойынша ҚР ҚК 345-бабы 1-бөлігіне сәйкес сотқа дейінгі тергеу амалдары жүргізілуде.

Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, жасөспірім санавиациямен облыстық көпбейінді балалар ауруханаға жеткізілген. Жағдайы ауыр, жансақтау бөлімінде жатыр.

Екі жіліншігі сынған жасөспірімге бірнеше сағатқа созылған ота жасалды.

Еске сала кетейік, бұдан бұрын Оралда пойыздың ер адамды қағып кеткенін жазған болатынбыз.


Соңғы жаңалықтар