USD 434.34 EUR 491.93
RUB 5.56 CNY 68.67
Jańalyqtar

Батыс Қазақстанда коронавирус жұқтыру көрсеткіші 16,4 пайызға азайды

2021 жылғы 8 желтоқсан 13:20
Бөлісіңіз:
Батыс Қазақстанда коронавирус жұқтыру көрсеткіші 16,4 пайызға азайды

ОРАЛ. ҚазАқпарат – Батыс Қазақстан облысында соңғы аптада алдыңғымен салыстырғанда, коронавирус жұқтыру көрсеткіші 16,4 пайызға (21 науқасқа) азайды, деп хабарлайды ҚазАқпарат тілшісі.

Ұқсас жаңалықтар
Грузияда коронавирус таралуының жаңа рекорды тіркелді: бір күнде – 17 530 жағдай Манипуляция: «SinoVac вакцинасы омикрон нұсқасынан қорғамайды» Еуроодақ екпе сертификаты бар тұрғындардың жүріп-тұру ережесін жеңілдетуді жоспарлап отыр

БҚО денсаулық сақтау басқармасының баспасөз қызметі мәлім еткеніндей, облыста пандемия басталғаннан бері 39 837, соның ішінде биыл 30 616 адам вирус жұқтырды.

Жыл басынан бері сырқаттанған 3011 баланың 3001-і жазылып шықты. 10-ы емделуде.

Оқу жылы басталғаннан бері 883 оқушыдан коронаврус анықталды. Қазіргі кезде Шыңғырлау ауданы бас мемлекеттік санитар дәрігерінің қаулысына сәйкес 1 мектепте 1 сынып карантинге жабылды.

Облыста 286 адам үй жағдайында, 113 науқас стационарларда ем қабылдауда. Жансақтау бөлімшелерінде жатқан 11 адамның жағдайы ауыр. Бұлардың төртеуі инвазивті емес жасанды тыныс алу аппаратына, жетеуі оттегі концентраторына қосылған.

Жыл басынан бері 672, соңғы аптада 4 адам коронавирустан көз жұмды.

Басқарма мәліметіне қарағанда, 250 734 адам (егілуге тиісті тұрғындардың 60,5 пайызы) вакцинаның І, 234 274-і (56,5 пайызы) ІІ компонентімен егілді.

Облыс бойынша 1 706 адам ревакцинациядан өтті. Сондай-ақ 2 746-сы Pfizer вакцинасын салдырса, бұлардың 1 563-і – жасөспірімдер, 83-і – жүкті, 1 100-і – бала емізетін әйелдер.

Еске сала кетейік, бұдан бұрын Батыс Қазақстанда 1500-ге жуық адамның ревакцинациядан өткенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT