+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Беларусьте Өкілдер палатасына негізгі дауыс беру басталды

2019 жылғы 17 қараша 11:12
Бөлісіңіз:
Беларусьте Өкілдер палатасына негізгі дауыс беру басталды

МИНСК. БЕЛТА - ҚазАқпарат – 17 қараша, жексенбі – Беларусьтың Ұлттық жиналысы Өкілдер палатасының жетінші шақырылымына депутаттарды сайлаудың негізгі дауыс беру күні. Дауыс беру басталды, деп хабарлайды «ҚазАқпарат» ХАА БЕЛТА агенттігіне сілтеме жасап.

Ұқсас жаңалықтар
Ресейдегі ірі жол апаты: автокөлік 12 адамды қақты Одесса колледжіндегі өрт: Владимир Зеленский 8 желтоқсанды қаралы күн деп жариялады АҚШ-та дүкен тоналғаннан кейін атыс болып, төрт адам ажал құшты

Елдегі сайлау учаскелері жергілікті уақытпен 8:00-де (Нұр-Сұлтан уақытымен 11:00) жұмысын бастады, 20:00-ге дейін ашық болады. Әскери бөлімшелерде, санаторийлерде, профилакторийлерде, демалыс үйлерінде, ауруханаларда ашылған учаскелерде оларға тіркелген сайлаушылардың барлығы дауыс беріп қойса, учаскелік комиссиялар 20:00 болуын күтпей-ақ дауыс беру аяқталғанын жариялай алады.

Сайлау бюллетені Беларусь Республикасы азаматының төлқұжаты немесе тұлғасын куәландыратын басқа да құжаттар (мемлекеттік қызметшінің куәлігі, студент билеті, жүргізуші куәлігі, мерзімді әскери қызметшілердің әскери билеті, фотосуреті бар зейнетақы куәлігі, төлқұжатын жоғалтып алғандарға берілген ішкі істер органдарының анықтамасы, сондай-ақ мүгедектік туралы куәлік) көрсетілген жағдайда беріледі.

Науқанға арнап 110 сайлау округі (олардан 110 депутат сайланады), 5831 сайлау учаскесі ашылған. Сайлау учаскелерінің 46-сы – шетелдерде.

Беларусь Орталық сайлау комиссиясы 16 қарашада парламенттің Өкілдер палатасының жетінші шақырылымына сайлануға 513 кандидат үміткер екенін мәлімдеген.

Әр округтің ең көп дауыс жинаған кандидаты депутат болып сайланады. Округте тізімдегі сайлаушылардың жартысынан көбі дауыс берсе, сайлау болды деп танылады.

Бұл жолғы сайлауға Беларусьтың 6 880 605 азаматы қатысады.

Еске сала кетейік, Беларуське ТМД-ның сегіз елінен, соның ішінде Қазақстаннан да ұзақ мерзімді бақылаушылар барған. Достастық миссиясының құрамында жалпы 475 адам бар, олар Беларусь парламенті төменгі палатасы депутаттары сайлауын түрлі өңірлерде бақылап отырады.

Біздің каналымызға жазылыңыз:

Басты сөздер: Әлем,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT