Биыл Атырауда 648 отбасы жаңа пәтер алады

АТЫРАУ. ҚазАқпарат – Атырауда 648 отбасы жаңа пәтер алады, деп хабарлайды ҚазАқпарат.

Ұқсас жаңалықтар

Депутат жастарға жалға берілетін пәтер құрылысын қаржыландыруды сұрады

«Алматы жастары» тұрғын үй бағдарламасына өтінім қабылдау 10 наурыздан басталады Қызылордада үйі өртеніп, нәрестесі көз жұмған отбасына үй берілді Алматыда жеңілдікпен пәтер алудың жолдары қандай

Облыстық құрылыс басқармасы басшысының міндетін атқарушы Мерей Жантөреевтің мәліметінше, жаңа пәтерлер Атырау қаласындағы «Береке» шағынауданында салынып жатқан 9 көпқабатты үйден беріледі.

Жаңа тұрғын үйлерді көктемде пайдалануға тапсыру көзделіп отыр.

«Биыл пайдалануға берілетін тұрғын үйлердің жалпы алаңы - 47 530 шаршы метр. Қазір «Запад строй ЕРС» ЖШС тұрғын үй құрылысын мемлекеттік-жекеменшік әріптестік аясында жүзеге асыруда», - дейді Мерей Жантөреев.

Оның айтуынша, келісімшартқа сәйкес «Запад строй ЕРС» ЖШС көпқабатты үйлерді биылғы маусымға дейін пайдалануға береді.

Содан кейінгі 5 жылда тұрғын үйге қызмет көрсетуге міндеттеме қабылдаған.

Еске сала кетелік, бұдан бұрын 150-дей атыраулық отбасы баспаналы болған еді.