01:14, 26 Ақпан 2021 | GMT +6
БҚО-да қатты желге байланысты бірнеше жол жабылды
ОРАЛ. ҚазАқпарат - Батыс Қазақстан облысында қатты желге байланысты бірнеше жол жабылды, деп хабарлайды ҚазАқпарат тілшісі.
«ҚазАвтоЖол» ҰК» АҚ БҚО филиалының мәліметіне қарағанда, 25 ақпан күні сағат 21.50-ден бастап ауа райының нашарлауына байланысты республикалық маңызы бар «Орал-Тасқала-РФ шекарасы», «Чапаев-Жалпақтал-Қазталов-РФ шекарасы», «Қазталов-Жәнібек-РФ шекарасы» автожолдарында барлық көлік түрлері үшін қозғалыс шектелді.
Осыған байланысты БҚО төтенше жағдайлар департаменті ескерту жарияланғанын жеткізді.
Еске сала кетейік, бұдан бұрын БҚО-да күшті жел мектептің шатырын жұлып әкеткенін жазған болатынбыз.