14:45, 09 Сәуір 2020 | GMT +6
БҚО-да жеке үйдегі өрт орнынан әйел мен оның екі қызының мүрдесі табылды
ОРАЛ. ҚазАқпарат – Батыс Қазақстан облысында жеке үйдегі өрт орнынан әйел мен оның екі қызының мүрдесі табылды, деп хабарлайды ҚазАқпарат тілшісі.
БҚО полиция департаментінің ресми өкілі Болатбек Белгібековтің айтуынша, қайғылы оқиға Тасқала ауданы Ақтау ауылында болған.
9 сәуір күні түнгі сағат 01.50-де үйдегі өртті сөндіру кезінде әйел мен оның екі жасөспірім қызының күйіп кеткен мүрдесі табылды.
«Қылмысқа күдікті ретінде әйелдің 1986 жылғы күйеуі ұсталды. Өзіне-өзі қол жұмсамақ болған ол қазір ауруханада жатыр. Осы оқиға бойынша ҚР ҚК 99-бабына (адам өлтіру) сәйкес сотқа дейінгі тергеу амалдары басталды», - деді ҚазАқпарат тілшісіне Б.Белгібеков.
Еске сала кетейік, бұдан бұрын БҚО-да аударылған автокөліктің 1 тонна балық әкеле жатқанын жазған болатынбыз.