«Челябі-Новосібір» күре жолын су басты - СҚО
«Қазгидромет» РМК Солтүстік Қазақстан облыстық филиалының мәліметінше, Петропавл қаласының маңында Есіл өзені тасып жатыр. Бүгін халықаралық маңызы бар «Челябі-Новосібір» автожолының 528 шақырымын су басты. Әзірге жолдың үстінен кеткен су терең емес, яғни көліктер өтіп жатыр .
Сағат 16.00 жағдай бойынша Есіл-Петропавл гидрологиялық постында су деңгейі 968 см жеткен. 8 сағаттың ішінде 8 см жоғарылады. Қала маңында өзеннің суы да көтеріліп келеді .
Жалпы бір тәуліктің ішінде Есіл өзенінің су деңгейі Петропавлда 24 см-ге, Новоникольское елді мекенінің маңында 64 см-ге, Долматово ауылының маңында 41 см-ге көтерілді. Покровка елді мекені маңында ең жоғары көрсеткіш – 1049 см тіркеліп, бір тәулікте 18 см-ге түсті.
Петропавл су қоймасында да су деңгейі көтеріліп жатыр. Бір тәулікте 26 см-ге өзгеріп, 825 см-ге жетті.