COVID-19: Қазақстанға шет мемлекеттерден 588 азамат анықтамасыз келген

Бұл туралы ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның Telegram каналына сілтеме жасап хабарлайды.

2 611 әуе жолаушыларының ішінде ПТР-тестілеудің теріс нәтижесі бар анықтамамен 2 023 адам, анықтамасыз 588 ҚР азаматтары келді.

Оның ішінде:

Алматы қаласының әуежайына – 9 рейс, 1 527 жолаушы, анықтамамен – 1 253, анықтамасыз - 274;

Нұр-Сұлтан қаласының әуежайына – 8 рейс, 1 084 жолаушы, анықтамамен - 770, анықтамасыз - 314.

Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда өз нәтижелерін күтуде.
Шетелден анықтамасыз келген Қазақстан азаматтарының ПТР талдауларының нәтижелері туралы мәлімет
2021 жылдың 16 қаңтарында анықтамасыз келген барлық 431 ҚР азаматының ПТР-талдаулары теріс нәтиже көрсетті.