09:29, 26 Ақпан 2020 | GMT +6
Данияр Елеусіновтің келесі жекпе-жегі қашан өтетіні белгілі болды
НҰР-СҰЛТАН. ҚазАқпарат – Менеджер Зия Алиевтің ақпараты бойынша, жеңіліп көрмеген қазақстандық бокс шебері Данияр Елеусінов кәсіпқой бокстағы оныншы жекпе-жегін биыл сәуір айында өткізеді, деп хабарлайды ҚазАқпарат Sports.kz ресурсына сілтеме жасап.
Елеусіновтің айқасы 2020 жылдың 17 сәуірінде Оксон Хиллдегі (АҚШ) «MGM National Harbor» аренасында өтеді. Бокс кешінің негізгі жекпе-жегі америкалық Рейджис Прогрейтс пен оның отандасы Морис Хукер арасында болмақ.
Қазақстандық боксшының қарсыласы әзірге белгісіз.
Еске сала кетсек, былтыр 20 желтоқсанда АҚШ-та өткен айқасында Елеусінов америкалық боксшы Алан Санчесті техникалық нокаутпен жеңген болатын.