15:41, 21 Ақпан 2020 | GMT +6
Демалыс күндері Қазақстанда қар жауып, боран соғады
НҰР-СҰЛТАН. ҚазАқпарат - Синоптиктер алдағы демалыс күндері ауа райы қандай болатынын айтты, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
Орталық Азиядан ауысып келе жатқан белсенді циклон сенбі күні Қазақстанның орталық аудандарына, ал күндіз республиканың шығысына қарай жылжиды.
Демалыс күндері республиканың оңтүстігі мен оңтүстік-шығысында жаңбыр, дымқыл қар жауып, тұман түседі. Көктайғақ болып, күшті екпінді жел тұрады.
Қазақстанның орталығы мен шығысында оңтүстік циклонның әсерінен қар жауады. Жексенбі күні кей жерлерде күшті боран соғады, күртік қар мен күшті жел тұрады.
Циклонның артынан Еділ өзені бойындағы аймақтардан антициклон бізге қарай ығысады, ол жауын-шашын мен аздаған суытуды тоқтатады.
Ауа температурасы төмендесе де, ол әлі де орташа көпжылдық мәннен 3...6°С жоғары болады.