+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Дэвис кубогы: Қазақстан – Нидерланды матчында таразы басы теңесті

2019 жылғы 19 қараша 20:15
Бөлісіңіз:
Дэвис кубогы: Қазақстан – Нидерланды матчында таразы басы теңесті

НҰР-СҰЛТАН. ҚазАқпарат – Мадридте өтіп жатқан Дэвис кубогы финалында қазақстандық Александр Бублик пен Нидерланды өкілі Робин Хасе күш сынасты, деп хабарлайды ҚазАқпарат тілшісі.

Ұқсас жаңалықтар
Дэвис кубогы: Ұлыбритания Қазақстан құрамасын жеңіп кетті Дэвис кубогы: Ұлыбритания – Қазақстан матчында Бублик есепті теңестірді Дэвис кубогы: Ұлыбритания Қазақстанмен матчта алға шықты

Бұл Қазақстан – Нидерланды матчының екінші кездесуі еді.

Қазақстанның бірінші ракеткасы Александр Бублик әлемдік рейтингіде 57-орында болса, қарсыласы 163-сатыда еді. Бірақ А.Бубликтен тура он жас үлкендігі бар, 32 жастағы Р.Хасенің тәжірибесі мол болатын.

Тартысты өрбіген бірінші партияда нидерландылық теннисші брейк жасап, 6:5 есебімен алға шығып, өз геймін де алды – 7:5.

Есесіне екінші сетте есеп 2:1 болған мезетте қазақстандық спортшы брейк жасай алды. Сетке доп бергенде, А.Бублик қарсыласының мысын баса білді – 6:3.

Үшінші, шешуші партияда есеп 5:4 болып, А.Бублик доп берген кезде Р.Хасе матчболын пайдалана алмады. Есеп 5:5 болғанда, қазақстандық теннисші брейк-пойнтын мүлт жіберді. Ақыры кездесу тағдыры тай-брейкте шешіліп, онда Р.Хасенге сәттілік жолдас болды – 7:6 (7:5).

Тартысты бәсеке 2 сағат 13 минутқа созылды.

Енді матч жеңімпазы жұптық бәсекеде шешіледі. Ешқандай өзгеріс орын алмаса, Андрей Голубев пен Александр Недовесов Уэс Колхоф пен Жан-Жюльен Ройермен сынға түседі.

Биыл Дэвис кубогының финалы алғаш рет өзгеше сипатта өтуде, яғни әр топтан үздік шыққандар плей-офф бәсекесіне жолдама алады.

Еске сала кетейік, бұдан бұрын Қазақстан – Нидерланды матчын Михаил Кукушкиннің жеңіспен бастағанын жазған болатынбыз.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT