+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Димаш туралы жаңа комикс 7 тілде жарық көреді

2020 жылғы 25 мамыр 10:54
Бөлісіңіз:
Димаш туралы жаңа комикс 7 тілде жарық көреді

НҰР-СҰЛТАН. ҚазАқпарат - Танымал әнші Димаш Құдайберген өзі туралы жаңа комикстің кейіпкері атанды, деп хабарлайды ҚазАқпарат Dimashnews.com сайтына сілтеме жасап.

Ұқсас жаңалықтар
Америка радиолары Димаштың әндерін бере бастады

«Құрметті Димаш шығармашылығының жанкүйерлері! Бүгін сүйікті әншіміздің туған күнінде жаңа ресми Dimash Manga (Manga D’R’S’) жобасымен қуана-қуана таныстырамыз. Manga D’R’S’ — бұл ерекше және қызықты сюжеті бар жапон комикстері (манга) жанрындағы шығармалар циклі. Ең бастысы – бұл жобаға Димаш Құдайбергеннің қатысуы! Толығырақ dimashmanga.com сайтында танысуға болады», - деп хабарланды әншінің ресми сайтында.

Комиксті әлемнің 7 тілінде электронды немесе баспа түрінде арнайы сайттан сатып алуға болады. Оқиға желісі 2019 жылдың 10 желтоқсанында Димаштың Нью-Йорктегі концертінен бастау алады.

Manga D’R’S’ шамамен 1 шілдеде сатылымға шыға бастайды. Ал таяу күндері сайтта тіркеу басталады және арзан бағамен сатып алу үшін алдын ала тапсырыс қабылданады.

Сонымен бірге, манга командасы жаһандық және орыс, жапон, қытай тілдеріндегі әлеуметтік желілерден парақша ашты.

Еске сала кетсек, 24 мамырда Димаш 26 жасқа толды. Әлемнің бірнеше еліндегі жанкүйерлер әншіге түрлі құттықтаулар жолдады.

Ал қытайлық жанкүйерлер қазақстандық әншінің құрметіне шөл далаға 3 мың ағаш отырғызды.

Сонымен бірге, Димаш Instagram парақшасында жанкүйерлерімен қауышып, олардың сұрақтарына жауап берді.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT