Допты хоккей: Оралдың «Ақжайығы» беташар матчында қарсыласына есе жіберді

None
None
ОРАЛ. ҚазАқпарат – Допты хоккейден жоғары лига командалары арасындағы бүкілресейлік жарыста Оралдың «Ақжайығы» жаңа маусымдағы алғашқы матчын Верхний Уфалейде «Никельщик» клубымен өткізді, деп хабарлайды ҚазАқпарат тілшісі.

Кездесу аса тартысты өтті.

Бірінші таймда айдын иелерінен 30-минутта Антон Пономарев есеп ашқанымен, 43-минутта «Ақжайық» құрамындағы ресейлік легионер Максим Пахомов таразы басын теңестірді.

Ойынның екінші кезеңінде тағы бір ресейлік Сергей Башаев (60-минут) оралдықтарды алға шығарды. Алайда 70-минутта қонақтар қақпасына белгіленген 12 метрлік айып добын Александр Бескровный дәл орындады. 87-минутта «Ақжайық» қақпашысы Вячеслав Горчаков тағы бір пенальтиді қайтарғанымен, Дмитрий Шадрин жеңіс голын соғып кетті.

Осылайша «Никельщик» командасы 3:2 есебімен жеңіске жетті.

Ресейлік төрешілер қонақтарды 80 минуттық айып уақытымен жазалап, тіпті 85-минутта оралдық қорғаушы Илья Глуховқа қызыл қағаз көрсетіп, айдыннан қуды.

Командалар ертең екінші кездесуін өткізеді.

Еске сала кетейік, бұдан бұрын «Ақжайықтың» құрамында бірқатар өзгерістер болғанын жазған едік.

Соңғы жаңалықтар