+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Дзюдо: Сметов пен Қырғызбаев «Masters» турнирінде жүлдесіз қалды

2019 жылғы 12 желтоқсан 16:05
Бөлісіңіз:
Дзюдо: Сметов пен Қырғызбаев «Masters» турнирінде жүлдесіз қалды

НҰР-СҰЛТАН. ҚазАқпарат – Қазақстандықтар Елдос Сметов пен Ғұсман Қырғызбаев дзюдодан Циндаода (Қытай) өтіп жатқан «Masters» турнирінде жүлдесіз қалды, деп хабарлайды ҚазАқпарат тілшісі.

Ұқсас жаңалықтар
Қазақстандық боксшы үш атақты қорғағаннан кейін IBF-тің үздік ондығына кірді Бүкіләлемдік таеквондо федерациясы Үміт эстафетасын бастады Чемпиондар Лигасы: «Барселона» мен «Бавария» жарысты жалғастырады

Е.Сметов пен Ғ.Қырғызбаев 60 келіге дейінгі салмақта қола жүлде үшін белдесті.

Елдос жартылай финалда испаниялық Франциско Гарригостан ұтылып қалды. Содан кейін кіші финалда ресейлік Роберт Мшвидобадзеге есе жіберді.

Ғұсман ширек финалда отандасы Е.Сметовке жол бергенімен, жұбаныш белдесуінде ұлыбританиялық Эшли Маккензиді тізе бүктірді.

Сосын қола жүлде үшін бәсекеде өзбекстандық Шарафоддин Лутфуллаевпен татамиге шықты. Бұған дейін қарсыластар үш мәрте кездесіп, соның екеуінде өзбекстандық дзюдошы ұтқан екен. Соның ішінде биыл Токиода өткен әлем чемпионатының жартылай финалында Ш.Лутфуллаевтың басым түскені белгілі.

Бұл жолы Ғ.Қырғызбаев үш мәрте ескерту алып, жеңіс қарсыласына берілді.

Осылайша Е.Сметов пен Ғ.Қырғызбаев бесінші орынды қанағат тұтты.

Бұл салмақта финалда Ф.Гарригосты таза жеңген әлемдік рейтингте көш бастап тұрған жапониялық Рюдзю Нагаяма чемпион атанды.

Токиодағы әлем чемпионатында Е.Сметов жартылай финалда дәл осы Р.Нагаямадан ұтылып, қола жүлде үшін бәсекеде отандасы Ғ.Қырғызбаевты жеңген болатын.

Әйелдер арасында қазақстандық Отгонцэцэг Галбадрах 48 келіге дейінгі салмақта жетінші орынмен шектелді.

Еске сала кетейік, бұдан бұрын қазақстандық дзюдошылардың Қытайда өтетін турнирге қатысатынын жазған болатынбыз.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT