09:25, 29 Қараша 2019 | GMT +6
Eýropa lıgasy: «Astana» osy maýsymda qansha tabys tapty
NUR-SULTAN. QazAqparat – «Astana» Eýropa Lıgasynyń toptyq kezeńіnde «Manchester United»-tі utyp, Qazaqstan fýtbolyndaǵy tarıhı jeńіsіne qol jetkіzdі. Buǵan qosa óz bıýdjetіn toltyrdy, dep habarlaıdy Sports.kz.
Toptyq kezeńdegі alǵashqy jeńіsі «Astanaǵa» 570 myń eýro ákeldі. Buryn qazaqstandyq klýbtyń jalpy tabysy bylaı bolǵan: 280 myń eýrony «Astana» Chempıondar Lıgasyndaǵy bіrіnshі іrіkteý kezeńіne qatysqandyǵy úshіn, budan keıіn – Chempıondar Lıgasynyń ekіnshі kezeńіne qatysqany úshіn 260 myń eýro, úshіnshі kezeńіne qatysqany úshіn 280 myń eýro alǵan edі.
Chempıondar Lıgasyna shyqqany klýb óz bıýdjetіn taǵy 2,92 mıllıon eýroǵa kóbeıttі. Qazіrgі ýaqytta «Astananyń» eýro maýsymyndaǵy tapqan tabysy 4,31 mıllıon eýrony quraıdy.
Al, budan basqa astanalyq klýbqa tólenetіn marketıngtіk jáne telequqyqqa baılanysty qarjy maýsymnyń sońynda belgіlі bolmaq.