02:15, 30 Желтоқсан 2019 | GMT +6
Эдди Хирн: Головкин «Канеломен» қыркүйекте жұдырықтасады
НҰР-СҰЛТАН. ҚазАқпарат – Промоутер Эдди Хирн Геннадий Головкин мен Сауль Альварестің үшінші кездесуі 2020 жылы өтетіні белгілі болғандығын айтты, деп хабарлайды Sports.kz.
Хирннің сөзінше, кездесу қыркүйекте өтеді. Трилогия алдында Головкин наурызда Камил Шереметамен кездеседі. Ал «Канело» мамырда Билли Джо Сондерспен немесе Каллум Смитпен жұдырықтасады.
«Головкинмен байланысты трилогияға келетін болсақ, бұл жерде нақты стратегия бар, оған сәйкес, «Канеломен» кездесу қыркүйекте өтеді. Мен бұған сенімдімін. Бұл кездесуді сіздер 2020 жылы көресіздер. Головкин Деревянченкомен жұдырықтасты, енді ол рингке наурызда оралады, сосын қыркүйекте тағы шығады. «Канело» болса, алдымен Сондерспен немесе Смитпен шығады. Содан соң барып, қыркүйекте Головкинмен кездеседі»,-деді Хирн.