+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Елімізде депозиттерді долларландыру деңгейі 37 пайызды құрады

2021 жылғы 26 ақпан 12:06
Бөлісіңіз:
Елімізде депозиттерді долларландыру деңгейі 37 пайызды құрады

АЛМАТЫ. ҚазАқпарат- 2021 жылы қаңтар айының соңында долларландыру деңгейі 37,1% болды, деп хабарлайды ҚазАқпарат тілшісі.

Ұлттық банктің мәліметінше, резиденттердің депозиттік ұйымдардағы депозит көлемі 2021 жылы қаңтардың соңында бір айда 2,7%-ға ұлғайып, 22 675,7 млрд теңгені құрады. Заңды тұлғалардың депозиттері бір айда 11 944,0 млрд теңгеге дейін 5,7%-ға өсті, жеке тұлғалардың депозиттері 10 731,7 млрд теңгеге дейін 0,6%-ға төмендеді.

«Ұлттық валютадағы депозиттер көлемі бір айда 14 270,9 млрд теңгеге дейін 3,0%-ға, шетел валютасында - 8 404,8 млрд теңгеге дейін 2,1%-ға ұлғайды. Долларландыру деңгейі 2021 жылы қаңтардың соңында 37,1% (2020 жылғы желтоқсанда - 37,3%) болды»,-деп хабарлады Ұлттық банктен.

Заңды тұлғалардың ұлттық валютадағы депозиттері 2021 жылы қаңтарда 7 720,8 млрд теңгеге дейін 7,2%-ға, шетел валютасында – 4 223,2 млрд теңгеге дейін 3,2%-ға (заңды тұлғалар депозиттерінің 35,4%-ы) ұлғайды.

Жеке тұлғалардың теңгедегі депозиттері 6 550,1 млрд теңгеге дейін 1,5%-ға төмендеді, шетел валютасында 4 181,7 млрд теңгеге дейін 1,0%-ға ұлғайды (жеке тұлғалар депозиттерінің 39,0%-ы).

Мерзімді депозиттердің көлемі бір айда 3,7%-ға ұлғайып, 15 844,0 млрд теңге болды. Олардың құрылымында ұлттық валютадағы салымдар 10 059,2 млрд теңге, шетел валютасындағы салымдар – 5 784,8 млрд теңге болды.

Банктік емес заңды тұлғалардың ұлттық валютадағы мерзімді депозиттері бойынша орташа алынған сыйақы мөлшерлемесі 2021 жылы қаңтарда 7,2% (2020 жылы қаңтарда – 7,3%), жеке тұлғалардың депозиттері бойынша – 9,4% (9,3%) болды.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT