+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Еліміздегі бейбітшілік әлемнің барша халықтарына үлгі - Сергей Цырульников

2021 жылғы 22 ақпан 11:43
Бөлісіңіз:
Еліміздегі бейбітшілік әлемнің барша халықтарына үлгі - Сергей Цырульников

НҰР-СҰЛТАН. ҚазАқпарат – Еліміздегі бейбітшілік пен келісім әлімнің барша халықтары үшін үлгі. Алғыс айту күніне орай белгілі спортшы Сергей Цырульников оындай пікір білдірді, деп хабарлайды ҚазАқпарат тілшісі.

«Менің түсінігімде Алғыс айту күні – ол Қазақстанда тұратын этностардың қазақ халқына ерекше құрметін білдіреді. Реформалар мен жер аударту кезеңінде қазақтар өздері қиын жағдайда бола тұра, өзге ұлт өкілдерін қабылдағаны үшін қазақ халқына ризашылығымыз шексіз. Сондықтан этностар осыны есте сақтап, қазақтардың бауырмалдығын ұмытпауы керек. Әлем елдеріне жиі саяхаттап барамын, соның ішінде Ресейге де барып тұрамын. Онда қазақ халқының қонақжайлылығын әлі де ұмытпаған. Грозныйға барғанымда шешендер нәубет жылдардағы Қазақстанда көрген мейрімділікті ұмытпайтындарын айтып жатты. Сондықтан қазақстандықтар осының барлығын жадымызға сақтап, қазақ халқына алғыс айтамыз», - деді С.Цырульников.

Танымал спортшы Алғыс айту күнін белгілеу бойынша Елбасы Нұрсұлтан Назарбаевтың бастамасына қолдау көрсету аясында аталған датаға орай екі іс-шараны ұйымдастырмақ.

«Еліміздің ең үлкен байлығы - ол бәрінен бұрын, біздің бірлігіміз. Бейбітшілік пен келісім басты құндылығымыз. Осы орайда Тұңғыш Президенттің бастамасымен құрылған Қазақстан халқы Ассамблеясы басқа елдер үшін үлгі болып тұрғаны кездейсоқ емес. Мысалы, Ресейде біздің Ассамблеяға ұқсас Ресей халықтары Ассамблеясы бар. Еліміздегі бейбітшілік пен келісім әлімнің барша халықтары үшін үлгі болып тұрғанын білеміз», - деді Сергей Цырульников.



Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT